झापाको बिर्तामोड-३ मा अवस्थित लिङ्कन मन्टेश्वरी स्कुल तथा आदर्श स्कुल अफ मेनेजमेन्टको संयुक्त आयोजनामा नेपाल पत्रकार महासंघ र प्याब्सन बिर्तामोड नगर कमिटीको हालै सम्पन्न निर्वाचनमा झापाबाट निर्वाचित कार्यसमितिलाई स्वागत तथा सम्मान गरिएको छ ।
आदर्श स्कुलको सभाहलमा आज एक समारोहका बीच झापाका नवनिर्वाचित र प्याब्सन बिर्तामोड नगर कमिटी तथा झापाबाट प्रतिनिधित्व गर्ने प्रदेश समितिका प्रतिनिधिलाई सम्मान गरिएको हो ।
लिङ्कन मन्टेश्वरी स्कुलका व्यवस्थापन समिति अध्यक्ष दिनेश ओझाको अध्यक्षतामा भएको कार्यक्रममा उनीहरुलाई कार्यक्रमका प्रमुख अतिथि बिर्तामोड नगर प्रमुख पवित्रा महत्तरा प्रसाईं, हिसान झापाका सचिव तथा न्युटन्स एकाडेमीका प्रिन्सिपल देबेन्द्र हुंमागाई, प्याबसन झापा जिल्ला उपाध्यक्ष जनार्दन ढकाल लगायतले सम्मान गर्दै कार्यकाल सफलताको शुभकामना व्यक्त गरेका थिए ।
आदर्श स्कुल अफ मेनेजमेन्टका निर्देशक संजोग खरेलले मन्तव्यबाट स्वागत गरेको कार्यक्रमको सञ्चालन लिङ्कन मन्टेश्वरीका सञ्चालक सरोज पौडेलले गरेका थिए । 
