नेपाल प्रिमियर लिग (एनपीएल) क्रिकेटमा कर्णाली याक्सले विराटनगर किङ्ग्सलाई सात रनले हराएको छ ।
कर्णालीले दिएको एक सय ३३ रनको लक्ष्य पछ्याएको विराटनगरले निर्धारित २० ओभरमा आठ विकेट गुमाएर एक सय २६ रन मात्र बनाउन सकेको हो ।
विराटनगरका निकोलस क्रिटोनले सबैभन्दा धेरै ४० रन बनाए । कर्णालीका नन्दन यादवले तीन विकेट लिए भने विपिन शर्माले दुई विकेट तथा कप्तान सोमपाल कामी, युनिससिंह ठकुरी र विलियम बोसिस्टोले समान एक विकेट लिएका थिए ।
त्यसअघि त्रिवि क्रिकेट मैदानमा टस हारेर ब्याटिङ गरेको कर्णालीले निर्धारित २० ओभरमा सबै विकेट गुमाउँदै एक सय ३३ रन बनाएको थियो ।
किर्णालीका लागि विलियम बोसिस्टोले सबैभन्दा धेरै ६६ रन बनाए भने देब खनालले ५३ रन बनाए । विराटनगरका प्रतिश जिसीले चार विकेट लिए भने क्रिस सोल र बसिर अहमदले समान दुई विकेट लिएका हुन् ।
यो जीतसँगै कर्णालीले चार खेलमा चार अङ्कसहित तालिकाको चौथो स्थानमा छ । समान खेल खेलेको विराटनगर दुई अङ्कसहित तालिकाको पुछारबाट दोश्रोमा छ ।
