चारआली साना शहरी खानेपानी उपभोक्ता तथा सरसफाइ संस्थाले थप बोरिङको मागका लागि विराटनगर स्थित सङ्घिय खानेपानी तथा ढल व्यवस्थापन आयोजनाका प्रमुख सुरतलाल चौधरीसँग मागपत्र प्रस्तुत गरेको छ ।
मंसिर ६ गते पदभार भएकै दिन सङ्घिय खानेपानी तथा ढल व्यवस्थापन आयोजनाका प्रमुख चौधरीलाई आयोजनाको स्थलगत अवलोकनसहित समस्या, सम्भावना र चुनौतीको जानकारी गराएको संस्थाले बुधबार मागपत्र बुझाएको हो ।
सोही अवसरमा कोशी प्रदेश खानेपानी तथा सिचाईं मन्त्री एकराज कार्कीसँग भेट गरेर आगामी योजनाका विषयमा छलफल गरिएको संस्थाका अध्यक्ष राजन चिमरियाले जानकारी दिए ।
उक्त भेटघाटमा संस्थाका उपाध्यक्ष मैया कार्की, सचिव प्रेमराज घिमिरे, कोषाध्यक्ष बादल मेचे र पुष्प घिमिरे लगायतको उपस्थिति रहेको थियो ।
गत मंसिर ७ गते संस्थाले सङ्घिय खानेपानी मन्त्री प्रदीप यादव, सचिव र महानिर्देशकसहितको टिमलाई आयोजनाको अध्ययन र अवलोकनसहित सबै विषय जानकारी गराएको थियो ।
निरन्तर अध्ययन अवलोकनसहित उर्लाबारी, झुम्का लगायतको आयोजनाहरुको अध्यक्षले जानकारी लिँदै नियमित कार्यालय र उपभोक्ताहरुका समस्या पानी चुवाटमा सक्रियताका विषयमा प्रदेश डिभिजन चन्द्रगढी कार्यालयका प्रमुख विकास काफ्लेलाई अवस्थाको बारेमा जानकारी गराइएको जनाइएको छ ।
