पछिल्लो समय युवाहरु घरपरिवार छोडेर वैदेशिक रोजगारीमा पलायन हुने क्रम बढी रहेका समयमा झापा बुद्धशान्तिका एक युवाले भने आफनै देशमा केही गरौं भन्ने उद्देश्यले इलेक्ट्रिकल पसल सञ्चालनमा ल्याएका छन् ।
झापाको बुद्धशान्ति गाउँपालिका वडा नं.३ बुद्ध चोकका विवेक न्यौपानेले सोही वडाको सात नम्बर चोकमा गत कार्तिक ५ गतेबाट विवेक इलेक्ट्रिकल हाउस सञ्चालनमा ल्याएका हुन् ।
उनका अनुसार करिब ५ लाखको एकल लगानीमा सुरु गरिएको पसलमा बिजुलीका सम्पूर्ण सामान, घर वेयरीङ, फेन, मिक्सर, राईसकुकर साथै विद्युतीय सामाग्री मर्मत तथा ब्रिकी समेतको सेवा उपलब्ध रहेको छ ।
पसलबाट फोटोफ्रेम, फोटोकपी, लेमिलेसनको समेत व्यवस्था रहेको सञ्चालक न्यौपानेले बताए ।
पसल सञ्चालनमा ल्याएको छोटो समयमा नै सबैबाट राम्रो प्रतिक्रिया आएको र भविष्यमा पसललाई अझ व्यवस्थितसँग सञ्चालन गर्दै स्थानीय युवाहरुलाई रोजगारी दिने योजना समेत रहेको उनले बताए ।
उनले गर्दाखेरी नेपालमै भविष्य रहेको र विदेशमा गएर पनि संर्घष नै गर्नुपर्ने भएकाले अर्काको देशमा गएर काम गर्नुभन्दा आफनै देशमा केही गर्न युवालाई आग्रह समेत गरेका छन् ।
मिहेनत गरे राम्रो पैसा कमाउन विदेश नै जानु पर्दैन भन्ने गतिलो उदाहरणका रुपमा बुद्धशान्तिका विवेकलाई हेर्न सकिन्छ ।
