सरकारले साफ महिला च्याम्पियनशिप २०२४ को उपविजेता बनेको नेपाली टोलीका खेलाडीलाई जनही तीन लाख रुपैयाँ नगद पुरस्कार दिने भएको छ ।

टोलीका खेलाडीलाई जनही तीन लाख पुरस्कार प्रदान गरिने राष्ट्रिय खेलकुद परिषद् (राखेप) सदस्य सचिव टङ्कलाल घिसिङले जानकारी दिए ।

Advertisement

त्रिपुरेश्वरमा रहेको दशरथ रङ्गशालामा बुधबार भएको फाइनलमा बङ्गलादेशसँग फाइनलमा २-१ ले पराजित हुँदै नेपाल उपविजेता बनेको थियो ।

यस्तै मुख्य प्रशिक्षक राजेन्द्र तामाङलाई दुई लाख रुपैयाँ र व्यवस्थापक, सहायक प्रशिक्षक तथा चिकित्सकले एक लाख २० हजारका दरले पुरस्कार पाउने सदस्य सचिव घिसिङले बताए ।

उपविजेता बनेको महिला फुटबल टोलीलाई काठमाडौँ महानगरपालिकाले गएराति नै टोलीका हरेक खेलाडीलाई एक लाख र टिम ब्यवस्थापक, फिजियोलगायतलाई गरी २७ लाख ५० हजार रुपैयाँ पुरस्कारबाट सम्मान गरेको छ ।