आधारभूत तह विद्यालयस्तरीय हाजिरीजवाफ प्रतियोगितामा धुलाबारी माध्यमिक विद्यालय प्रथम भएको छ ।
प्रगतिशील युवा क्लबको आयोजना तथा मेचीनगर नगरपालिका वडा नं.१० को आर्थिक सहयोगमा भएको प्रतियोगितामा वडा भित्रका नौ वटा विद्यालयको सहभागिता रहेको थियोे ।
प्रतियोगितामा हिमालयन अङ्ग्रेजी माध्यमिक विद्यालय दोश्रो, इस्ट होराजन अङ्ग्रेजी माध्यमिक विद्यालय तृतीय र लिभिङ फाउन्डेसन माध्यमिक विद्यालय सान्त्वना भएको क्लबका सल्लाहकार रोश्नी खनाल अधिकारीले जानकारी दिइन् ।
प्रतियोगितामा प्रथम, दोस्रो, तृतीय र सान्त्वनाले क्रमशः ८ हजार, ५ हजार, ३ हजार र २ हजार पाउन सफल भएका छन् ।
क्लबका अध्यक्ष कविता कार्कीको अध्यक्षतामा भएको कार्यक्रमको प्रमुख अतिथि मेचीनगर नगरपालिका वडा नं.१० का वडाध्यक्ष नारायण खनाल रहेका थिए ।
उक्त हाजिरीजवाफ प्रतियोगिताको सहजीकरण शैलेश गौतमले गरेका थिए ।
उक्त अवसरमा मेचीनगर नगरपालिका वडा नं.१० का वडाध्यक्ष खनाल, वडा सदस्य विशाल कार्की, मेची हेरिटेज पब्लिक स्कुलका प्रधानाध्यापक रमेश बराल, क्लबका सल्लाहकार मेदनी खनाल लगायतले आ-आफना धारणा राखेका थिए ।
क्लबका सदस्य जेस्मिन चुडालले मन्तव्यबाट स्वागत गरेको कार्यक्रमको सञ्चालन सचिव सन्जोक बरालले गरेका थिए ।
