माइ वल्ड रिकन्डिशन एण्ड सर्भिस सेन्टरको प्रथम वार्षिकोत्सव तथा विद्युतीय सवारीको समुद्घाटन गरिएको छ ।
मेचीनगर नगरपालिका वडा नं.७ आयावारीमा सञ्चालित रिकन्डिशन एण्ड सर्भिस सेन्टरमा विद्युतीय सवारीको समुद्घाटन कोशी प्रदेश प्रमुख परशुराम खापुङले गरेका थिए ।
सेन्टरमा विद्युतीय सवारी साधानमा साइकल, स्कुटी र टेम्पो बिक्रीमा राखिएको सञ्चालक नारायण चोङबाङले बताए ।
उनले ८५ हजारदेखि १ लाख ३० हजारसम्मका साईकल, एक लाख ५० हजारदेखि ३ लाख १८ हजारसम्मका स्कुटी र ८ लाख ४० हजार रुपैयाँ पर्ने टेम्पो रहेको जानकारी दिए ।
माइ वल्ड रिकन्डिशन एण्ड सर्भिस सेन्टरका कार्यकारी निर्देशक ओमप्रकाश खापुङको अध्यक्षतामा भएको कार्यक्रममा प्रदेश प्रमुख खापुङ, कोशी प्रदेशका पूर्व सांसद श्रीप्रसाद मैनाली, कोशी प्रदेश प्रहरी प्रमुख एवम् डीआईजी चन्द्रकुबेर खापुङ, मेचीनगर-७ का वडाध्यक्ष प्रल्हादमणि ओली, नेपाली कांग्रेस झापाका उपसभापति एवम् व्यवसायी केशवराज पाण्डे, नेकपा एमालेका मेचीनगर अध्यक्ष राजु कार्की, नेकपा माओवादी केन्द्रका मेचीनगर अध्यक्ष राजन चिमरिया, नाटा कोशी प्रदेशका निवर्तमान अध्यक्ष उदयकुमार श्रेष्ठ, समाजसेवी डिल्लीराम घिमिरे लगायतले आ-आफ्ना धारणा राखेका थिए ।
एभरेष्ट अटो प्रालिका प्रबन्ध निर्देशक मिलन लिम्बूले स्वागतसहित विद्युतिय सवारी साधानका बारेमा जानकारी गराएका थिए भने कार्यक्रमको सञ्चालन पत्रकार भूमिका सुब्बाले गरेकी थिइन् ।
