चारआलीमा भएको सवारी दुर्घटनामा एक जनाको मृत्यु भएको छ ।
शनिबार साँझ ७:३० बजेको समयमा मेचीनगर नगरपालिका वडा नं.१२ कालिझोडास्थित पूर्व पश्चिम राजमार्गमा बिर्तामोडबाट चारआलीतर्फ जाँदै गरेको प्र.१-०१-०१४प.८७८२ नम्बरको मोटरसाईकल र बिपरित दिशाबाट आउँदै गरेको मे.११प.२०२८ नम्वरको मोटरसाइकल आपसमा ठक्कर खाई दुर्घटना हुँदा प्र.१-०१-०१४प.८७८२ नम्बरको मोटरसाइकल चालक भद्रपुर नगरपालिका वडा नं.१० बस्ने बर्ष अन्दाजी ५२ का नेत्रप्रसाद परियार सडकमा लडेका थिए ।
त्यही बेला बिर्तामोडबाट चारआलीतर्फ आउँदै गरेको मे.१ख.३२५१ नम्वरको बसले ठक्कर दिई गम्भीर घाईते भई परियारलाई बीएण्डसी अस्पताल बिर्तामोड पठाएकोमा अस्पताल पुग्नसाथ राति ८ बजे चिकित्सकले मृत घोषणा गरेका थिए ।
दुर्घटनामा मे.११ प.२०२८ नम्वरको मोटरसाईकल चालक हल्दिवारी गाउँपालिका वडा नं.४ बस्ने बर्ष अन्दाजी ३१ का सन्तोष मेचेको टाउकोमा चोट लागेको, सोही मोटरसाइकलमा पछाडि सवार सोही ठाउँ बस्ने बर्ष अन्दाजी ३१ का सुरज मेचेको दाहिने हात र खुट्टामा चोट लागेको र बोल्न सक्ने दुवै घाइतेको सोही अस्पतालमा उपचार भइरहेको छ । दुवै मोटरसाइकल र बस प्रहरी चौकी चारआलीको नियन्त्रणमा र बस चालक तत्काल फरार रहेकाले खोजतलास भइरहेको जिल्ला ट्राफिक प्रहरी कार्यालय झापाले जनाएको छ ।
