अमेरिकाले क्रिकेटर सन्दीप लामिछानेलाई भिसा दिन फेरि अस्वीकार गरेको छ । आज अन्तर्वार्ताका लागि अमेरिकी दूतावास पुगेका सन्दीपलाई भिसा दिन दूतावासले अस्वीकार गरेको हो ।

यसअघि गएको जेठ ९ गते पनि सन्दीपलाई अमेरिकाले भिसा दिन अस्वीकार गरेको थियो । बलात्कारको मुद्दामा सन्दीपले उच्च अदालत पाटनबाट सफाइ पाएका थिए ।

Advertisement

सन्दीप लामिछानेलाई विश्वकपमा सहभागी गराउन र खेल्ने वातावरण बनाउन भन्दै सरकारले भिसाका लागि अमेरिकी दूतावासमा पत्र पठाएको थियो ।

टी-२० विश्वकप जुन २ तारिख अर्थात् आइतवारदेखि अमेरिका र वेस्ट इन्डिजमा शुरु हुँदैछ ।