प्रतिनिधिसभा बैठकमा सत्तापक्ष र प्रतिपक्षका सांसदहरूबीच मुठभेडको अवस्था सिर्जना भएको छ ।

बिहीबार नेपाली कांग्रेससहित प्रतिपक्षी दलहरूले वेल घेरेर नाराबाजी गरिरहेको समयमा सभामुख देवराज घिमिरेले बैठक सञ्चालन गरेपछि प्रतिपक्ष उत्तेजित बनेको थियो । त्यसक्रममै सभामुखले गृहमन्त्री रवि लामिछानेलाई बोल्नका लागि समय दिएका थिए ।

Advertisement

प्रतिपक्षले छेकेर नाराबाजी गरिरहेकै बेला सत्तापक्षका सांसदहरू पनि उठेर नाराबाजीमा उत्रिएका थिए । दुवैतर्फको नाराबाजीका बीच एमाले अध्यक्ष केपी शर्मा ओली पनि उभिएर प्रतिवादमा उत्रिएपछि एमाले र कांग्रेसका सांसदहरूबीच धकेलाधकेल भएको थियो । लगत्तै सभामुखले बैठक स्थगित गरेका थिए ।