झापाको बिर्तामोड नगरपालिकाले खाना पकाउने एलपी ग्यासको सट्टा गोबर ग्यासको प्रयोग गर्न नगरवासीलाई प्रोत्साहन गरेको छ । एलपी ग्यासभन्दा सस्तो र स्वास्थ्यका दृष्टिकोणले पनि राम्रो हुने ठहर गर्दै नगरपालिकाले अनुदानमा ज्ञास बनाइदिन थालेपछि नगरबासी समेत खुसी देखिएका छन् । गोबर ग्यास राख्न अधिकांश कृषकले चासो देखाएपछि नगरले अबका दिनमा समेत यसमा चासो दिएको छ ।
बिर्तामोड नगरपालिकाले नगरभरी नबिकरणिय उर्जा प्रबर्धनका लागि सुधारिएको चुलो अन्तर्गत बायो ज्ञास जडान अभियान सञ्चालन गरेको हो । नगरपालिकाले स्थानिय तहमा जनप्रतिनिधी आएपछि नगर क्षेत्रका तीन सय भन्दा बढी लक्षित वर्गको घरमा बायोग्याँस जडान गरिसकेको बिर्तामोड नगरपालिकाका कार्यक्रम अधिकृत पदम राज घिमिरे ले बताए ।
झापाको बिर्तामोड नगरपालिका बायोग्याँस जडानमा प्रदेश १ कै उत्कृष्ट बनेको छ । नगर क्षेत्रका तीन सय भन्दा बढी लक्षित वर्गको घरमा बायोग्याँस जडान गरेर बिर्तामोड नगरपालिका प्रदेश १ कै उत्कृष्ट बनेको हो । नेपाल बायोग्याँस प्रर्वद्धन संघ प्रादेशिक कार्यालय विराटनगरले उत्कृष्ट नगरपालिका घोषणा गरेको छ
। विश्वमा बढिरहेको ऊर्जा संकटलाई न्यूनीकरण गर्नका लागि नगरपालिकाले नवीकरणीय उर्जाको क्षेत्रमध्ये घरेलु बायोग्याँस जडानमा उत्कृष्ट कार्य गरेको भन्दै नगरको प्रसंसा समेत भएको छ ।
