झापा । कन्काई नगरपालिका दुर्गापुरमा रहेको फक्ताङ्लुङ एजुकेशन फाउन्डेसनले बिश्व शिक्षा अन्तरगत बाल मैत्री शिक्षा प्रदान गर्दै आएको छ ।
कन्काई ७ दुर्गापुरमा रहेको फाउन्डेसनले बालबालिका लाई बाल मनोबैज्ञानिक , बाल मैत्री तथा वल्ड एजुकेशन अनुसारको शिक्षा प्रदान गर्न विभिन्न कार्यक्रम मार्फत विद्यार्थीलाई प्रेरित गरिएको प्रधानाध्यापक ओम बिक्रम नेङ्वाङले जानकारी दिए ।
कन्काईको नमूना र उत्कृष्ट बिद्यालयको रूपमा स्थापित आएको बिद्यालयले यस अघि नै ब्रिटिस काउन्सिलकाे इन्टरनेशनल अवार्ड समेत प्राप्त गरिसकेको छ ।
देश भरीबाट ३ हजार भन्दा बढी बिद्यालय सहभागी रहेको इन्टरनेशनल अवार्डको प्रतियोगितामा झापा बाट सो बिद्यालयले अवार्ड जित्न सफल भएको थियो ।
देशकै पहिलो बन्द निषेधित क्षेत्रको रुपमा स्थापित नगरपालिका बाल मैत्री नगरपालिका बन्न तयारीमा रहेको छ ।
शिक्षा र पर्यटनको अधिक सम्भावना बोकेको पालिकामा फक्ताङ्लुङ एजुकेशनले बालबालिकाको रचनात्मक गतिविधिमा समेत महत्त्वपूर्ण योगदान गर्दै आएको छ । 
बिद्यालयमा खाजाघर,आफ्नैखेलमैदान,यातायात,सुबिधासम्पन्न भवन ,बाल बगैंचाको ब्यबस्थापन संगै विद्यार्थीको आन्तरिक क्षमता वृद्धिका लागि गतिविधि गरिरहेको छ ।
बिद्यालयमा प्रत्येक हप्ताको एकदिन नृत्य ,गायन,चित्रकलाका कक्षा संचालन हुँदै आएका छन् भने यसै बर्षबाट ,संगीत ,कराते,नाटक र उद्घोषण लगायतका कक्षा संचालन गरिने प्रधानाध्यापक नेङ्वाङले बताए ।
बालबालिकाको नेतृत्व स्थापित गर्न मतदाता शिक्षा र अभ्यास समेत विद्यार्थीले स्कुलमा गर्दै आएका छन् । सदन ,कक्षा,स्कुल क्याप्टेन मतदान प्रक्रिया बाट गराईने गरिएकाले ब्यबहारिक रुपमा बैठक संचालन जस्ता गतिविधि समेत बालबालिकाले गर्ने गरेका छन् ।
विद्यार्थी तथा अभिभावकको उत्कृष्ट रोजाइको शैक्षिक गन्तव्यको रुपमा स्थापित विद्यालयमा बाल मैत्री तथा शैक्षिक रचनात्मक गतिविधिहरु मार्फत बाल मनोबिज्ञानका आधारमा पठनपाठन गर्दै आएको छ भने अन्य देशका विद्यार्थी संग प्रबिधिको माध्यम बाट जोडिएको च ।
करिब ५ सय भन्दा बढी विद्यार्थी अध्ययन गर्ने बिद्यालयमा बार्षिक पात्रो निर्माण गरि बालबालिका ,अभिभावक र शिक्षकको बैठक तथा भ्रमण समेत गराउने कार्यले थप हौसला प्रदान गरेको छ। बिद्यालयले समय समयमा अभिभावक शिक्षा संचालन गर्ने गरेका कारण अभिभावक बिद्यालय र विद्यार्थी प्रती उत्तरदायी बन्दै गएको प्रधानाध्यापक नेङ्वाङले बताए ।
