बिर्तामोड । बिहीबार बिहानी टोल सुधार समितिको छैटौ साधरण सभा सम्पन्न भएको छ ।
बिहानी टोल सुधार समितिका अध्यक्ष गोपाल चुडालको अध्यक्षता रहेको उक्त कार्यक्रममा प्रमुख अतिथीको रुपमा अर्जुनधारा वडा नं. ६ का वडा अध्यक्ष हरिश्चन्द्र बास्तोलाको उपस्थिती रहेको थियो । त्यसै गरी अतिथीहरुमा संस्थापक अध्यक्ष लक्ष्मी निरौला, पूर्व वाड सदस्य लक्ष्मी दंगाल महतारा, वडा सदस्य टुम्मनाथ काफ्ले, प्रणामी युवा परिषद्का जिल्ला अध्यक्ष टहलदास ओलीे आदीको उपस्थिती रहेको थियो ।
यस संस्थाले अर्जुनधारा नगरपालिका वडा नं. ६ लाई आफ्नो कार्यक्षेत्र बनाएर २०७० साल देखि सामाजिक कार्य गर्दै समाजमा सद्भाव बिकास गर्दै आएको छ ।
कार्यक्रममा संस्थाको बरिष्ठ उपाध्यक्ष गोमा देवि लुइँटेलले स्वागय मन्तव्य राखेकी थिइन् भने संस्थापक अध्यक्ष लक्ष्मी निरौला, पूर्व वाड सदस्य लक्ष्मी दंगाल महतारा, वडा सदस्य टुम्मनाथ काफ्ले, प्रणामी युवा परिषद्का जिल्ला अध्यक्ष टहलदास ओली लगायतले मन्तव्य राखेका थिए ।
संस्थाले साधरण सभाको अवसरमा बिहानी टोल भित्रका एकल महिलाहरुलाई पनि सम्मान गरेको थियो । यसै कार्यक्रमको बीचमा बिहानी युवा क्लबले रक्तदानको कार्यक्रम पनि सम्पन्न गरेको थियो । उक्त रक्तदान कार्यक्रममा २३ पिन्ट रगत संकलन भएको युवा कल्बका सचिव लोकेश आचार्यले जानकारी दिए ।
साधरण सभा कार्यक्रमको सञ्चालन संस्थाका सचिव मदन ओली र सह सचिव दिवाकर पौडलले गरेका थिए ।
