बिर्तामोड । झापाको हल्दीवारी गाउँपालिकाले स्थानीय जनताको आवश्यकताका आधारमा १० हजार लिटर पानी निशुल्क उपलब्ध गराउने निर्णय गरेको छ । हाम्रो लगानी, घरघरमा स्वच्छ खानेपानी भन्ने नारासहित गाउँपालिकाले निशुल्क पानी वितरणको अभियान सुरु गर्न लागेको हो ।

गाउँपालिकाका अध्यक्ष रवीन्द्र लिङ्देनले धारा जडान गरेका सबै गाउँबासीले असोज १ गतेबाट पानी निशुल्क उपयोग गर्न पाउने बताए । अध्यक्ष लिङ्देनका अनुसार स्थनीयलाई न्यूनतम् १० हजार लिटर पानी उपलब्ध गराउन लागिएको हो ।

Advertisement

खानेपानी उपभोक्ता समितिलाई मासिकरुपमा खानेपानी संरचना निर्माण तथा सुधार कार्यक्रम शीर्षकबाट गाउँपालिकाले भुक्तानी लिने गरी निशुल्क खानेपानी वितरणको व्यवस्थापन मिलाइएको हो ।