७ असार, झापा । झापा बिर्तामोड नगरपालिका ५ मा रहेको एमिटी एजुकेशन फाउन्डेसनमा उद्घोषण सम्बन्धि कक्षा शुरु भएको छ।विद्यार्थीहरुको वाककला र क्षमता अभिवृद्धि गर्ने उदेश्यले तालिमको आयोजना गरिएको बिद्यालयका प्रध्यानाध्यपक आर एस ढकालले बताउनु भयो ।
कक्षा छ देखि १० सम्मका विद्यार्थीहरुको सहभागिता रहेको शिक्षक संयोजक टीका ढकालले जानकारी दिनु भयो। संचारकर्मी सरोज पौडेलले सहजीकरण गरेको तालीममा बालबालिका संग भएका आन्तरिक क्षमता लाई उजागर गर्न प्रेरित गर्ने उदेश्य कक्षा संचालन गरिएको बालक्लब फोकल पर्सन विधान कृष्ण बस्नेतले बताउनु भयो ।
उद्घाटन कार्यक्रममा बोल्दै प्रध्यानाध्पक ढकालले विद्यार्थीहरुमा भएको क्षमता उजागर गर्दै चौतर्फी बिकासमा बिद्यालयले कुनै कसुर बाकिँ नराख्ने र बालबालिका लाई किताबी ज्ञान मात्र नभएर अतिरिक्त विषयमा अग्रसर गराउन उद्घोषण कक्षा संचालन गरिएको बताउनु भयो ।
