झापा ।चर्चित रियालिटी शो ‘नेपाल आइडल’ को उत्कृष्ठ ८ मा पुग्न सफल झापा बिर्तामोडका नामगेल तामाङलाई जिताउन ‘नामगेल जिताउँ अभियानले तिब्रता दिएको छ।
आज बिर्तामोड स्थित अभियानका संयोजक जोनी योनजनको अध्यक्षतामा आयोजित पत्रकार भेटघाट मार्फत ‘नामगेल जिताउँ अभियान’ समितिले देश विदेशमा रहने संगीत प्रेमी सबैमा भोट अपील गरेको हो।
आर्थिक अवस्था कमजोर रहेका तामाङ होटल र स्टेजहरुमा गायन प्रस्तुत गरेर आफ्नो अध्ययन र परिवारको खर्च समेत जुटाउदै आएका उनै झापा बिर्तामोडका नामगेल तामाङ यतीबेला नेपालको चर्चित रियालिटी शो नेपाल आइडलको उत्कृष्ठ ८ मा पुग्न सफल भएका छन् ।
सुमधुर स्वर, शालिन व्यक्तित्व भएका नामगेल नेपाल आईडलको यात्रामा आफ्नो क्षमता र प्रतिभाका कारण आठौं स्थान सम्म आउन सफल बनेका छन् । तर नेपाल आईडलको नीति अनुसार उनको अबको यात्रा भोटले मात्र तय गर्ने भएको छ ।
‘बिर्तामोडको सरगम संगीतालयमा संगीत सिकेका नामगेलको संगीत प्रतिको झुकाव र संगीतलाई आफ्नो भविस्य र समाजकालागि पनि समर्पित गर्ने लक्ष्य रहेको छ, उनलाई जीताउनु भनेको संगीत क्षेत्रमा बहुँ प्रतिभा भएको एक कलाकारलाई न्याय दिएको हुने संयोजक योन्जनले बताए , उनमा संगीत क्षेत्रका सबैखाले गीत गाउन सक्ने प्रतिभा रहेको छ’ नामगेलका संगीत गुरु दिपक रायमाझीले बताए ।
पत्रकार भेटघाट कार्यक्रममा विगतका दिनलाई सम्झदै नामगेलकी आमा गीता तामाङले भनिन ‘सानै उमेरदेखि छोराको इच्छा संगीत सिक्ने थियो, तर सामान्य गितार सम्म किनिदिन सक्ने अवस्था नभएर ऋण काढेर सिलीगुडीबाट ८ हजारमा गितार किनेर ल्याई दिएको थिए । आज छोराले संगीत क्षेत्रमा गरेको प्रगतीले मनमा खुसी छाएको छ, तर उही आर्थिक अभावकै कारणले छोरालाई नेपाल आईडलको यात्रामा अघि बढाउन सक्ने अवस्था छैन् । छोरालाई भोट गरेर र भोटको लागि सकेको सहयोग रकम सहयोग गरिदिन सबैमा अनुरोध गर्दछु ।’
कार्यक्रममा अभियानका सदस्य आशिष बुढाथोकी, लोकेश अधिकारी, ताजी राई, गोविन्दप्रसाद भट्टराईलगायतले तामाङलाई जिताउन विभिन्न अभियान संचालन गरिने बताए ।भोटिङका लागि ०७ टाईप गरेर ३७००० मा म्यासेज, सृष्टी एप्सबाट सशुल्क र सेल्पेबाट निशुल्क भोट गर्न सकिने छ।
