९ पुस, झापा । झापाको बिर्तामोड २ चारपानेमा रहेको वीर अमरसिंह माविले विद्यार्थी बोक्ने गाडी ‘स्कुल बस’खरिद गर्ने भएको छ ।
विद्यालयमा बिर्तामोड, कन्काई, अर्जुनधारा नगरपालिकाका बालबालिका अध्ययन गर्दै आएका छन् । प्राबिधिक विषय पनि पढाइ हुने भएकाले बिद्यालयमा विद्यार्थीको आकर्षक बढ्दै रहेको प्रधानाध्यापक यदुनाथ अधिकारी बताउँछन् । टाढा टाढा बाट विद्यार्थी आउने भएता पनि यातायातको ब्यवस्था नहुँदा अभिभावक र विद्यार्थी लाई समस्या हुदै आएको छ।
पछिल्लो समय सामुदायिक बिद्यालयमा समुदाय र सरकारको सहयोग र ब्यबस्थापनमा युवा पुस्ताको सहभागीताले गुणस्तरमा वृद्धि हुँदै गएको अभिभावकको बुझाई छ । विद्यार्थीको सहजता र सुबिधा लाई मध्यनजर गर्दै बिद्यालय ब्यबस्थापन समितिले २ वटा गाडी खरिद गर्ने निर्णय गरेको समितिका अध्यक्ष किशोर पौडेलले जानकारी दिए।
उनका अनुसार केही आन्तरिक श्रोत र केही बाहिर श्रोत चन्दा दान बाट गाडी खरिद गर्न लागिएको बताए । खरिद समितिमा स्थानीय राजनीतिक दल,पुर्व विद्यार्थी ,व्यावसायि,संघ संस्था सबैको सहयोगमा सम्पन्न गरिने बताइएको छ। अध्यक्ष पौडेलले गाडी खरिद गर्न आफ्नो तर्फ बाट ५१ हजार १ सय ५१ रुपैयाँ सहयोग गर्ने घोषणा समेत गरेका छन् ।
नगरपालिका भित्र १८ वटा सामुदायिक ,५५ वटा निजि र २ वटा धार्मिक बिद्यालय संचालनमा छन् जसमध्ये ३ वटा बिद्यालयमा सरकारी तथा अन्य दातृ निकायको सहयोगमा गाडी संचालनमा छन् ।
