झापा । सामुदायिक सिर्जनशील समाज अर्जुनधारा ११ ले सन्चालन गरेको नकआउट फुटबल प्रतियोगिताको उपाधि चारआलि फुटबल क्लब मेचिनगर १२ ले हात पारेको छ ।
२०७८ सालको बिजय दशमी शुभ दिपावली तथा छठ पर्वको उपलक्ष्यमा देवनिया खेल मैदानमा संचालित प्रतियोगितामा इन्दिरा आमा क्लव अर्जुनधारा ११ लाई १ ÷० गोल अन्तरले पराजीत गर्दै चारआलि फुटबल क्लबले उपाधि हात पारेको हो ।
चारालीका लागी जर्सी न १४ का विशाल दर्जीले निर्णयक गोल गरेका थिए । खेलमा दर्जीले मेन अफ द म्याच घोषीत भएका छन् ।
कार्यक्रममा अर्जुनधारा ११ का वडा अध्यक्ष भैरब खडका, बिर्तामोड ६ का अध्यक्ष सुर्य प्रसाद कन्दङ्गवा, झापा फुटबल संघ अध्यक्ष भगिरथ आले, वडा सदस्य मोहन कुमार योगि, लक्ष्मी राई, हस्त बहादुर परियार लगायतले शुभकामना व्यक्त गर्नु भएको थियो । जगत बहादुर मगरको अध्यक्षतामा संचालित कार्यक्रमको सहजीकरण सचीव रन्जित परियारले गर्नु भएको थियो ।
