झापा । नेपाल कपडा तथा सिलाइ व्यावसायी संघ झापाले विभिन्न ठाउँका सिलाइ व्यावसायी तथा अति विपन्न परिवारलाई राहत वितरण गरेको छ ।
संघले सिलाइ व्यावसायी कोभिड १९ आपत्कालिन राहत कोषको स्थापना गरि प्राप्त सहयोग रकमबाट बिहिबार अर्जुनधारा नगरपालिका , बिर्तामोड नगरपालिका र बुद्धशान्ती गाउँपालिकाका सिलाइ व्यावसायी तथा अति विपन्न ५ घरपरिवारलाई २५ केजि चामल , १ लिटर खाने तेल , २ केजि दाल र १ केजि नुन गरि प्रति परिवार रु २ हजार २ सय ३० का दरले राहत वितरण गरेको हो ।
विश्वव्यापी महामारी कोभिड १९ को यो कठिन परिस्थितिमा सिलाइ व्यावसायी तथा अति विपन्न परिवारलाई नेपाल कपडा तथा सिलाइ व्यासायी संघ झापाको तर्फबाट राहत वितरण गरिएको कोषका संयोजक हरि नेपालीले बताएका छन् ।
जिल्लामा सिलाई व्यावसाय सञ्चालन गरेर बस्नुहुने व्यावसायीलाई कोभिड १९ बाट प्रभावित भएर संक्रमित भई उपचारमा आर्थिक समस्या देखापरेमा तथा यस पेशाबाट लाभान्वित पेशाकर्मीहरुलाई कोरोना कहरका बेला जिवनयापनमा समस्या आएमा राहत दिनकालागी कोषको स्थापना गरिएकाले सोहि अनुसार राहत वितरण गरेको उनले बताएका छन् ।
विश्वभर माहामारीको रुपमा रहेको कोभिड १९ को कारणले सिलाइ व्यावसायीहरुमा विभिन्न समस्याहरु देखापरेको हुदाँ संघले व्यावसायीहरुकालागी राहत , उपाचार लगायतको व्यवस्था गर्न कोषको स्थापना गरेको नेपाल कपडा तथा सिलाइ व्यावसायी संघ झापाका अध्यक्ष दिलिप सुन्दासले बताएका छन् ।
त्यसैगरी देश विदेश मा रहनु भएको नेपाली दाजुभाई तथा दिदिबहिनीमा कोभिडबाट बच्नको लागि आवश्यक स्वास्थ्य मापदण्ड पूरा गर्नु हुन अनुरोध गर्दै यस अभियानलाई सहयोग गर्न नेपाल कपडा तथा सिलाइ व्यावसायी संघ झापाका उपाध्यक्ष रमेश सिवाले अपिल गरेका छन् ।
