झापाको सुरुङ्गा जेसीजको आथित्यतामा बिर्तामोडमा बिहीबारबाट नेपाल जेसीजको जेसिआइ एकाडेमी सुरु भएको छ ।
चार दिनसम्म सञ्चालन हुने उक्त तालिममा देशभरका ५० जना युवाहरुको सहभागिता रहेको छ ।
राष्ट्रिय अध्यक्ष सिनेटर जीवन कार्कीको सभापतित्वमा भएको एकाडेमिको उद्घाटन संविधान सभा सदस्य सुदिर सिवाकोटीले गरेका थिए ।
तालिमका लागि जेसीआई इण्डियाका २०१४ का राष्ट्रिय अध्यक्ष दिपक नाहर, भारतबाटै सरिता सिन्ना र नेपालबाट किरण केसि प्रशिक्षक रहेका छन् ।
एकाडेमिको उद्घाटन समारोहमा पुर्व राष्ट्रिय अध्यक्ष भोलेश्वर दुलाल, नेपाल जेसीजका तालिम आयुक्त राजन पौडेल, नेपाल जेसीजका कार्यकारिणी उपाध्यक्ष योगेश राजवंशी, नवराज उपाध्याय, प्रमुख प्रशिक्षक दिपक नाहर लगायतले शुभकामना मन्तव्य राखेका थिए ।
एकाडेमिमा शाखा अध्यक्ष मेनुका उप्रेतीले स्वागत, आस्थापाठ कोषाध्यक्ष सरिता गुरगाईं तथा सञ्चालन महासचिव जेनिस चौलगाईंले गरेका थिए ।
