पश्चिम नेपालमा आजदेखि वर्षा र हिमपात गराउने प्रणाली सक्रिय हुने भएको छ ।

मौसमविद्का अनुसार सक्रिय हुने प्रणालीले केही ठाउँमा वर्षा र हिमाली क्षेत्रमा हिमपात गराउने सम्भावना छ ।

Advertisement

मौसमविद् उज्जवल उपाध्यायका अनुसार प्रणालीका कारण आज कर्णाली, सुदूरपश्चिम र गण्डकीका उपल्लो पहाडी तथा हिमाली क्षेत्रमा वर्षा हुने सम्भावना छ । धेरै उचाइबाट आउने बादल सक्रिय हुने भएकाले सुदूरपश्चिम र कर्णालीका हिमाली क्षेत्र हुँदै अन्नपूर्ण, मनास्लु, लाङटाङ, गौरीशङ्कर, सगरमाथा र मकालु–बरुण हिमश्रृंखलामा हिमपात हुने सम्भावना रहेको उनले जानकारी दिए ।

वर्षा नभए पनि काठमाडौँ उपत्यकासहित विभिन्न ठाउँमा बदलीको सम्भावना छ । मौसम पूर्वानुमान् महाशाखाले पनि विभिन्न ठाउँमा वर्षा र हिमपातको सम्भावना रहेको भन्दै सतर्कता अपनाउन भनेको छ ।