झापाको बिर्तामोडमा पाँच रुपैयाँमा भरपेट खाना खान पाइने भएको छ ।

बिर्तामोड-५ स्थित सिटी सेन्टर नजिकै पश्चिम तर्फ विपन्न नागरिकलाई लक्षित गर्दै टहरा नै निर्माण गरेर पाँच रुपैयाँमा भरपेट खाना खुवाउन लागिएको आइतबार बिर्तामोडमा पत्रकार सम्मेलन गरी अभियानका विषयमा जानकारी दिएको हो ।

Advertisement

केजीएफ नामक संस्थाले सबैलाई बाच्ने अधिकार भएको र मानव कल्याणका लागि एक छाक ति गरिव निमुखालाई भन्ने नाराका साथ सोमबारदेखि खाना अभियान सञ्चालन गरिएको अभियानका संयोजक विक्रम सुब्बाले जानकारी दिए । अभियानका लागि भोलेन्टियर्सका रुपमा मिसन झापा रहेको बताइएको छ ।

मिसन झापाका संयोजक समेत रहेका माधव झाले अभियानका विषयमा प्रकाश पार्दै यो अभियानलाई सफल बनाउन आम नागरिकलाई आग्रह गरेका छन् ।