अस्ट्रेलियामा अर्को हप्ता सुरू हुने टप इण्ड टी-२० सिरिजका लागि नेपाली क्रिकेट टोलीको घोषणा भएको छ ।
नेपाल क्रिकेट सङ्घ क्यानले रोहित कुमार पौडेलको कप्तानीमा १६ सदस्यीय टोलीको घोषणा गरेको हो ।
स्कटल्यान्डमा भएको त्रिदेशीय टी २० आई सिरिजका टोलीमा रहेका किरण कुमार ठगुन्ना, बसिर अहमद र अनिल साह टोलीमा छैनन् ।
एनटीको आयोजनामा हुने टप इण्ड सिरिजमा ११ टोलीको सहभागिता रहनेछ । सिरिजमा सहभागी अन्तर्राष्ट्रिय टोलीमा नेपालको राष्ट्रिय टोली, पाकिस्तान ‘ए’, बङ्गलादेश ‘ए’ र अमेरिकाको सिकागो किङ्ग्सम्यान अन्तर्राष्ट्रिय टोलीका रुपमा रहेका छन् ।
नेपालले पहिलो खेल साउन ३० गते नर्दन टेरिटोरी स्ट्राइकसँग खेल्ने छ भने भदौ ३१ गते बङ्गलादेश ‘ए’ टिमसँग खेल्नेछ । तेस्रो खेलमा मेलवर्न स्टारको एकेडेमी टोलीसँग २ भदौ गते हुनेछ । चौथो खेलमा होर्बट हरिकेन्सको एकेडेमी टोलीसँग भदौ ३ गते खेल्नेछ ।
पाँचौं खेल भदौ ४ गते मेलवर्न रेनेगेड्सको एकेडेमी टोलीसँग खेल्नेछ । छैटौं खेल भदौ ६ गते पाकिस्तान ‘ए’ टोलीसँग खेल्नेछ । नेपालले समूह चरणमा ६ वटा खेल खेल्नेछ ।
लिग चरणको शीर्ष ४ मा रहने टोलीका बीचमा सेमिफाइनल हुनेछ ।
