नेकपा (एमाले) को भ्रातृ संस्था अनेरास्ववियुको महाधिवेशनमा निर्वाचन कार्यतालिका प्रकाशन भएको छ ।

अध्यक्ष मण्डलले अनेरास्ववियुका अध्यक्ष, उपाध्यक्ष र महासचिवको प्रस्तावित नाम बन्द सत्रमा प्रस्तुत गरेपछि असन्तुष्ट पक्षले नाराबाजी गरेका थिए । त्यसपछि अध्यक्ष मण्डलले निर्वाचन कार्यतालिका प्रकाशन गरेको छ । जसअनुसार बुधबार निर्वाचन हुनेछ ।

Advertisement

अनेरास्ववियुको अध्यक्षमा सुजन कडरियाको नाम प्रस्ताव भएपछि हलमै नाराबाजी भएको थियो । अध्यक्षका अन्य आकांक्षीहरूले भने विरोध गरेका थिए ।

बन्द सत्र हलमा प्रतिनिधिहरूले नाराबाजी गरेका थिए । त्यसपछि निर्वाचन कार्यतालिका प्रकाशन गरिएको हो । मतदान बुधबार बिहान १० बजेदेखि हुनेछ ।