कोशी प्रदेशका मुख्यमन्त्री हिक्मत कार्कीको कार्यकक्षमा मोबाइल लिएर जान रोक लगाइएको छ ।

फोटो खिच्नेले हैरान दिएको भन्दै कार्कीको सचिवालयले कार्यकक्षमा मोबाइल लिएर जान रोक लगाएको हो ।

Advertisement

मुख्यमन्त्रीलाई भेट्न जानेले उनको कार्यकक्ष बाहिर मोबाइल राख्नुपर्छ । मोबाइल राख्नका लागि प्लाष्टिकको बकेट राखिएको छ र माथि लेखिएको छ, ‘मोबाइल फोन यता’ ।

मुख्यमन्त्री कार्कीका प्रेस सल्लाहकार बिक्रम लुइँटेलका अनुसार डेढ महिनायता मोबाइल लैजान रोक लगाइएको हो । सुरक्षा सतर्कताका लागि मोबाइल लैजान रोक लगाएको उनले बताए ।

कार्यकक्षमा मोबाइल लिएर जाँदा फोटो खिचेर धेरै समय लिने गरेका कारणले पनि रोक लगाइएको लुइँटेलले बताए ।