पत्रकार हत्या र मिडियामाथिको सुनियोजित आक्रमणको विरोध गर्दै पत्रकार महासंघ झापाले सोमबार झापामा प्रमुख जिल्ला अधिकारी गोपालकुमार अधिकारीलाई ज्ञापनपत्र बुझाएको छ ।
झापा अध्यक्ष एकराज गिरी नेतृत्वको टोलीले ज्ञापन पत्र बुझाउँदै शुक्रबार राजतन्त्र पक्षधरहरूको प्रदर्शनका क्रममा भएको सुनियोजित आक्रमणप्रति खेद प्रकट गरेको छ ।
कार्यस्थलमा खटिएका पत्रकारको हत्या गरेको भन्दै महासंघले उक्त घटनाको सत्यतथ्य छानविन गर्न, दोषीलाई कारबाही गर्न तथा पीडित परिवारलाई राहत उपलब्ध गराउन माग गरिएको छ । आइतवार पत्रकारहरूले देशभरिबाट कालोपट्टि बाँधेर काम गरेका थिए भने शनिबार सडकमा प्रदर्शन गरेका थिए ।
त्यस्तै तीनकुनेमा भएको पत्रकार सुरेश रजकको हत्या र विभिन्न संचारगृहमा भएको आक्रमणको छानबिन गरी यथाशीघ्र कारबाही गर्न माग गर्दै पत्रकार महासंघ झापाले इलाका प्रशासन कार्यालय दमकका प्रमुख प्रमुख झरेन्द्र राज चापागाईमार्फत सरकारलाई ज्ञापनपत्र बुझाएको छ।
राजावादीको प्रदर्शनक्रममा दुई जनाको मृत्यु भएको थियो । पत्रकार सुरेश रजक र कीर्तिपुरका सविन महर्जनले ज्यान गुमाएका हुन् ।
