झापाको झापा गाउँपालिकाले किसानलाई सिंचाइ मोटर र स्प्रे ट्याङ्की वितरण गरेको छ ।
पालिकाको कृषिमा विनियोजन बजेट मार्फत ५०-५० साझेदारी कार्यक्रम अन्तरगत १७६ मोटर र ३३८ स्प्रे ट्याङ्की पालिकामा एक कार्यक्रमको आयोजना गरेर वितरण गरिएको हो ।
पालिका प्रमुख प्रशासकीय अधिकृत गजेन्द्र थपलियाको अध्यक्षता एवं कार्यवाहक अध्यक्ष अन्जुदेवी थपलियाको प्रमुख आतिथ्यता रहेको थियोे ।
झापा गाउँपालिकाले किसानलाई आत्मनिर्भर बनाउने उद्देश्यले कृषि परियोजनको लागि विधुत महसुलमा ८० प्रतिशत र झापा बासीलाई ५० प्रतिशत विधुत महसुस समेत तिरी दिदै आएको कार्यवाहक अध्यक्ष थपलियाले बताइन् ।
कृषि उत्पादन बढाउनको लागि प्रत्येक वडाका कृषकको खेतवारीमै बिजुली पुर्याउने कार्यक्रम समेत सञ्चालित रहेको बताउदै यस आर्थिक वर्षमा समेत १ करोड रुपैयाँको बिजुलीको पोल र ६५ लाखको बिजुली तार खरिद गरिएको बताउदै झापा गाउँपालिकाका निर्वाचित अध्यक्ष जयनारायण शाहले अगाडि बढाएको सबै कार्यक्रमहरुलाई निरंतरता दिदै अगाडि बढेको समेत कार्यवाहक अध्यक्ष थपलियाले जिकिर गरेकी थिइन् ।
स्थानीय तहको समग्र विकासको लागी जनप्रतिनिधिहरुले अगाडि सारेको महत्त्वपूर्ण कार्यक्रमलाई प्राथमिकतामा राखेर काम गर्दै आएको प्रमुख प्रशासकीय अधिकृत गजेन्द्र थपलिलाले जानकारी दिए ।
झापा गाउँपालिका मकै खेतीको ‘मकै जोन’ क्षेत्र भएकोले यहाँका किसानलाई पालिकाले २०७४ देखीनै प्राथमिकतामा राखेर सहयोग पुर्याउदै आएको समेत प्रमुख प्रशासकीय अधिकृत थपलियाले बताए ।
थपलियाका अनुसार टेन्डर मार्फत ४९ लाख ६ सय ७९ रुपैयाँ बराबरको मोटर र स्प्रे ट्याङ्की गरिद गरिएको हो । किलस्कर कम्पनीको २ हर्ष पावर को बिधुतिय मोटरको लागी किसानले ११ हजार ८० रुपैयाँ व्यहोर्नुपर्ने हुन्छ भने पालिकाले त्यति नै रकम व्यहोर्ने छ । त्यस्तै स्प्रे ट्याङ्कीमा समेत पालिकाले साझेदारी कार्यक्रम अनुसार १५ सय ८५ रुपैयाँ व्यहोर्ने गरि काम गरिएको थपलियाले बताएका छन् ।
उक्त कार्यक्रममा वडा नम्बर १ का अध्यक्ष राजकुमार यादव, ७ का वडाध्यक्ष शखीचन्द्र ठाकुर, निवर्तमान कृषि शाखा प्रमुख जगत नारायण मण्डल, कृषक एवं शिक्षा समिति सदस्य शुन्दरलाल गणेश, कृषक तविजो मिया, कुमार मैनाली लगायतले आ-आफ्नो प्रतिक्रियासहित मन्तव्य राखेका थिए ।
उक्त कार्यक्रममा कृषि शाखा पाचौं कर्मचारी समिक्षा उप्रेतीले स्वागतसहित औचित्य माथी प्रष्ट पारेको कार्यक्रमको सहजीकरण प्रशासन शाखा प्रमुख युवराज कोइरालाले गरेका थिए ।
