मेचीनगर-१० मा रहेको लंकाशनी समृद्धि बहुउद्देश्यीय सहकारी संस्थाको ११ औं वार्षिक साधारणसभा सोमबार सम्पन्न भएको छ ।
संस्थाका अध्यक्ष रोश्नी खनालको अध्यक्षतामा भएको कार्यक्रमको प्रमुख अतिथि मेचीनगर नगरपालिकाका नगर उपप्रमुख मिना पोखरेल उप्रेती रहेकी थिइन् ।
२०७० सालमा २५ जना महिलाहरूले एक-एक हजार रूपैयाँ संकलन गरेर २५ हजार शेयर पूँजीबाट सञ्चालनमा आएको संस्थाले ११ वर्षको दौरानमा पाँचसय दुईजना शेयर सदस्य पुगेको छ भने २२ लाख ३३ हजार चार सय ६० रूपैयाँ शेयर पूँजी पुगेको छ ।
उक्त अवसरमा वर्षाेउत्कृष्ट बजार प्रतिनिधि कर्मचारी पूर्णमाया पराजुली, असल ऋणी महिलातर्फ बुधुनी उराँव र पुरूषतर्फ सञ्जय राजवंशी, उत्कृष्ट बाल बचतकर्ता विशाल राजवंशी, सुप्रिया लिम्बु, उत्कृष्ट ज्येष्ठ बचतकर्ता अमुल्य राजवंशी, धामो राजवंशी, उपसमितिका संयोजक र सदस्यमध्ये सानोकुमार लिम्बु र नारायण कडेल लेखा समिति संयोजक सुनिता कोइराला र ऋण समिति संयोजक बाबुलाल राजवंशीलाई सम्मान गरिएको थियो ।
साधारण सभाको उद्घाटन समारोहमा बोल्दै कार्यक्रमका प्रमुख अतिथि मेचीनगर नगरपालिकाका नगर उपप्रमुख पोखरेलले संस्थाका हरेक सदस्य सहकारीको मालिक हुने भएकाले सबै जिम्मेवारी सञ्चालक समितिलाई मात्र छाड्न नहुने बताएकी छन् ।
नगरभित्र रहेका केही सहकारी संस्था संकटमा परेको भन्दै उनले हरेक सञ्चालक सदस्यहरूले सहकारीका मूल्य, मान्यता र सिद्धान्त भुल्न नहुने सुझाव दिएकी हुन् ।
उद्घाटन सत्रमा मेचीनगर नगरपालिका-१० का वडाध्यक्ष नारायण खनाल, जिल्ला बचत तथा ऋण सहकारी संस्था झापाका उपाध्यक्ष विशेश्वरप्रसाद भट्टराई, राष्ट्रिय सहकारी बैंक धुलाबारी शाखा प्रमुख प्रेमकुमार श्रेष्ठ, संस्थाका पूर्व अध्यक्ष रूपा पौडेल लगायतले आ-आफ्ना धारणा राखेका थिए ।
उपाध्यक्ष उमेश डाँगीले मन्तव्यबाट स्वागत गरेको कार्यक्रमको सञ्चालन सचिव विशाल कार्कीले गरेका थिए ।
