काठमाडौँमा भूकम्पको धक्का महसुस भएको छ । बिहान ६ बजेर ५० मिनेटमा धक्का महसुस गरिएको हो ।

भूकम्पको धक्का महसुस हुनेबित्तिकै कतिपय नागरिक घरबाहिर निस्केका छन् । काठमाडौँ उपत्यकासहित विभिन्न जिल्लामा धक्का महसुस गरिएको राष्ट्रिय भूकम्प मापन तथा अनुसन्धान केन्द्रले जनाएको छ ।

Advertisement

भूकम्प कति म्याग्निच्युडको हो, कहाँ केन्द्र रहेको छ भन्ने बारेमा अध्ययनको काम भइरहेको केन्द्रका वरिष्ठ भूकम्पविद् लोकविजय अधिकारीले जानकारी दिए ।

यसैबीच भूकम्पको म्याग्निच्युड फरक-फरक मापन भएको छ । नेपाल–चीन सिमानाको तिब्बतमा ७ म्याग्निच्युडको ठूलो भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।

यस्तै चिनियाँ समाचार संस्था सिन्ह्वाले ६ दशमलव ८ म्याग्निच्युडको भूकम्प रहेको उल्लेख गरेको छ भने अमेरिकाको यूएसजीएसले ७ दशमलव १ म्याग्निच्युड मापन गरेको छ ।