नेपाल पत्रकार महासंघ झापा शाखाको अध्यक्षमा एकराज गिरी पुन: निर्वाचित भएका छन् ।
अन्तिम मत परिणाम अनुसार गिरी १३१ मतका साथ विजयी भएको निर्वाचन अधिकृत शिरो सान्दाइले जानकारी दिए ।
अध्यक्षका प्रतिस्पर्धीहरु डिकेश लामा र राजेन्द्र गौतमले समान ३४ र टीकाराम नेतीले ४ मत मात्र प्राप्त गरेका छन् ।
यस्तै उपाध्यक्षमा सुब्रत न्यौपानेले १२२ मतका साथ निर्वाचित भएका छन् । उनका प्रतिस्पर्धी गणेशमान मुखियाले ८१ मत मात्र प्राप्त गरेका हुन् ।
सचिव पदमा प्रदीप परियार र राजु पाठकले मत बराबरी पाएका छन् । उनीहरुले समान ९९-९९ मत ल्याएका छन् भने खुला सहसचिवमा रमेश तिवारी र दलित सदस्यमा मनकुमार गदाल यसैअघि नै सर्वसम्मत निर्वाचित भइसकेका छन् ।
त्यसैगरी समावेशी सहसचिवमा तिलक योञ्जन तामाङ १११ मत ल्याएर निर्वाचित भएका छन् । उनका प्रतिस्पर्धी चिरञ्जीवी घिमिरेले ८३ मत मात्र प्राप्त गरेका हुन् ।
त्यस्तै कोषाध्यक्ष पदमा मुक्ति पौडेल ९९ मतसहित निर्वाचित भएका छन् । उनका प्रतिस्पर्धीहरु पुष्प खड्काले ५४ र शम्भुजित दाहालले ४६ मत मात्र प्राप्त गरेका छन् ।
यसैगरी कार्यसमितिको महिला सदस्य पदमा भूमिका सुब्बा ११२, मधेशीबाट सन्तोष शर्मा १००, आदिवासी जनजातिबाट सदस्य इन्द्रकुमार राई ११०, खुला सदस्यमा अस्मिता साँखी १४८, इशा प्रधान १३५, स्वस्तिका आचार्य १३३, विनोद पाण्डे १३३, सुदीप अधिकारी १२६, द्रोण अधिकारी १२८, दिपेश राजवंशी ११७, देवेन्द्र प्रसाईं ९५ र भूमिराज पराजुली ९४ मत ल्याएर निर्वाचित भएको निर्वाचन अधिकृत सान्दाईले बताए ।
पत्रकार महासंघ झापा शाखाको २० जना कार्यसमितिका लागि ३६ जनाले उम्मेदवारी दिएका थिए । महासंघका कुल २२० जना सदस्य मध्ये २०५ जनाले मतदान गरेका थिए ।
