विराटनगर किङ्सले सिद्धार्थ बैंक नेपाल प्रिमियर लिग (एनपिएल) का लागि ट्यालेन्ट हन्टबाट तीन जना खेलाडी छनोट गरेको छ ।

कोशी प्रदेशका पाँच जिल्लामा भएको छनोट प्रतियोगिताबाट छानिएका तीन जना उत्कृष्ट खेलाडीको नाम बिहिबार सामाजिक संजाल मार्फत सार्वजनिक गरेको हो ।

Advertisement

विराटनगरले ‘ट्यालेन्ट हन्ट’ बाट फिर्दोश अन्सारी, कमल खत्री र सुजन थपलियालाई छानेको छ । अब अन्तिम चरणको छनोटबाट यी तीनमध्ये एक जनाले एनपिएलमा विराटनगर किङ्सको प्रतिनिधित्व गर्न पाउने छन् ।

विराटनगर किंग्सले कोशी प्रदेशका इलाम, झापा, सुनसरी, उदयपुर र मोरङमा ट्यालेन्ट हन्ट गरेको थियो ।

विराटनगरको पहिलो चरणको बन्द प्रशिक्षणमा आजबाट विराटनगरमा सुरु भएको छ । पहिलो चरणको बन्द प्रशिक्षणमा अक्सनबाट टोलीमा अनुबन्ध भएका खेलाडी तथा ट्यालेन्ट हन्टमा सर्ट लिस्ट भएका खेलाडीहरुलाई सहभागी गराइने छ ।