कलाकार दयाहाङ राई नेपाल प्रिमियर लिग (एनपीएल) को फ्रेन्चाईज टिम विराटनगर किंग्सको गुडविल एम्बासडर नियुक्त भएका छन् ।

विराटनगरले आइतबार काठमाडौँमा एक कार्यक्रम गर्दै राईलाई गुडविल एम्बासडरको रूपमा सार्वजनिक गरेको हो । विराटनगर किंग्सका सहमालिक वेंकटेस मुन्द्राले दयाहाङलाई आधिकारिक रूपमा गुडविल एम्बासडर अनुबन्ध गरिएको घोषणा गरेका हुन् ।

Advertisement

यो सम्झौता एक वर्षका लागि हुने विराटनगर किंग्सले जानकारी दिएको छ । सन्दीप लामिछाने मार्की खेलाडी रहेको छन् । नेपाल प्रिमियर लिग (एनपीएल) यही मङ्सिर १५ गतेदेखि पुष ६ गतेसम्म चल्नेछ ।