प्रहरीको कुटाइले हिजोभन्दा आज करङ बढी दुखेको छः कांग्रेस नेता पौडेल

विराटनगर । नेपाली कांग्रेसका वरिष्ठ नेता रामचन्द्र पौडेलले सात दशको अथक प्रयासबाट प्राप्त गणतन्त्रमा पनि पुलिस पेलानबाट छुटकारा मिल्न नसकेको बताएका छन्।

वरिष्ठ नेता पौडेलले सामाजिक सञ्जालमार्फत सो कुरा बताउँदै असली गणतन्त्र साकार नहुनेमा चिन्ता व्‍यक्त गरेका हुन। उनले भनेका छन्, ‘सात दशकको अथक प्रयासबाट प्राप्त गणतन्त्रमा पनि पुलिस पेलानबाट छुटकारा मिल्न सकेको छैन। असली लोकतन्त्र कहिले साकार हुने हो ? मेरो चिन्ता यसैमा छ।’