झापाको मेचीनगर नगरपालिकाले नगर क्षेत्र भित्र रहेका सामुदायिक विद्यालयमा अध्ययनरत विद्यार्थीहरूलाई छात्रवृत्ति वितरण गरेको छ ।

नगरपालिकाले सहिद विरेन राजवंशी छात्रवृत्ति कार्यक्रम अन्तर्गत २० लाख रुपैयाँ विनियोजन गरी नगरका ९ वटा सामुदायिक विद्यालयका कक्षा ११ र १२ मा अध्ययनरत ६५९ जना गरिब तथा जेहेन्दार विद्यार्थीलाई तीन हजारका दरले छात्रवृत्ति वितरण गरेको हो ।

Advertisement

आदर्श माविको विद्यार्थीलाई छात्रवृत्ति वितरण गर्न मेचीनगर प्रमुख गोपालचन्द्र बुढाथोकी र नगर शिक्षा अधिकारी होम भण्डारी विद्यालयमै पुगेर विद्यार्थीलाई छात्रवृत्ति वितरण सुरु गरेका थिए ।

उक्त कार्यक्रममा बोल्दै नगर प्रमुख बुढाथोकीले विद्यार्थीलाई उच्च शिक्षाको लागि हौसला प्रदान गर्न नगरपालिकाले छात्रवृत्ति वितरण गरिँदै आएको बताए ।