झापा । झापाको शनिश्चरे बजारलाई उपभोक्ता मैत्री बनाइएको छ ।
अर्जुनधारा नगरपालिका वडा नं.८ वडा कार्यालयको सहजीकरण तथा बजार व्यवस्थापन समितिको संयोजनमा स्थानीय पाँच जना युवाहरुले सहजीकरण गरिरहेका वडाध्यक्ष कुमारप्रसाद उप्रेतीले जानकारी दिए ।
उनका अनुसार प्रदिप तामाङको संयोजकत्वमा एक महिलासहित चार पुरुषले प्रत्येक शनिबार बिहान ७ बजे बाट बेलुकी सम्म हाटको दिन उपभोक्तालाई सहयोग गर्ने गरेका छन् ।
उनीहरुले नि:शुल्क रुपमा स्वयम्सेवकको भूमिका निभाउँदै वृद्धवृद्धालाई बाटो काट्न सहयोग गर्ने, व्यवसायलाई व्यवस्थित गर्ने, सवारीसाधनको पार्किङ, पकेट मारहरुलाई नियन्त्रणमा लिएर प्रहरीसँग समन्वय गरेर बुझाउने लगायतका कार्य गर्दै आएका वडाध्यक्ष उप्रेतीले बताए ।
झापाको पुरानो बजारको रुपमा परिचीत रहेको शनिश्चरे बजार संग पुर्वको प्रशिद्द अर्जुअनधाराको मन्दिर रहेको छ ।जसका कारण स्थानीय मात्र नभएर टाढा टाढा बाट समेत सो स्थानमा मानिसहरु आउने गरेका छन् । उपभोक्ता तथा व्यवसाय गर्न विभिन्न क्षेत्रबाट आएका व्यवसायीलाई सहज रुपमा व्यापार गर्ने वातावरण सृजना गर्नुका साथै सर्वसाधारणलाई किनमेल गर्न सहज होस भन्ने उद्देश्यले युवा परिचालन गरिएको वडाध्यक्ष उप्रेती बताउँछन् । युवाहरुले बजारमा निगरानी गर्न थालेपछि साँझसम्म बजार लाग्ने गरेको स्थानीयहरु बताउँछन् ।
