झापा । बिर्तामोड १ स्थित मनकामना माध्यमिक बिद्यालयले शिक्षक अभिभावक तिज मिलन कार्यक्रम सम्पन्न गरेको छ ।
बिद्यालयले प्रत्येक बर्ष अभिभावक ,बिद्यालय संचालक र शिक्षक संग तिज मिलन कार्यक्रम गर्दै आएको प्रधानाध्यापक केशब ढुंगानाले जानकारी दिए । 
महिला अभिभावक संग तिज मिलन कार्यक्रम मार्फत संस्कृतिको जगेर्ना गर्ने उदेश्यले आज (शुक्रबार)कार्यक्रम गरिएको सहायक प्रधानाध्यापक ध्रुबकुमार गौतमले बताए ।
कार्यक्रममा बिद्यालयका शैक्षिक को-अर्डिनेटर शारदा प्रसाद थपलिया वडा नम्बर ३ का वडा सदस्य धनसरी राजबंशीले शुभकामना राखेका थिए । सोही कार्यक्रमका बिच प्रधानाध्यापक ढुंगानाले प्रत्येक महिनाको अन्तिम सोमबार कक्षा ८ र ९ का विद्यार्थी लाई विभिन्न सीप मुलक नि:शुल्क तालिम संचालन गर्ने घोषणा समेत गरेका थिए । 
शिक्षक अभिभावकले सामुहिक नित्य गरेका थिए भने दर पनि खुवाईएको थियो ।
शिक्षक ओम कडरियाले स्वागत गरेको कार्यक्रमको संचालन रुका ढुंगाना र सुजन कठ्ठेतले गरेका थिए ।
