बि.एस.बि इन्टरटेनमेन्टको ब्यानरमा नवीन सुहाङ्ग लिम्बुको “पर-प्रेम” लघु चलचित्र बन्ने भएकाे छ । रतन सिगु लिम्वुको लेखन तथा निर्देशमा बन्न लागेको उक्त चलचित्रले झापाका स्थानिय कलाकारलाई समेटेको छ । यसको छायांकन तथा सम्पादन सन्तोष राना मगरले गर्ने बताईएको छ | इलामको माई नगरपालिका -८ ल्होत्सेमा छायांकनको तैयारी भैरहेकाे निर्देशक सिगु बताउछन । उनले भने ” पहाडी भेगको गाउँले जीवन संग सम्बन्धित कथा भएकाले स्थान छनौटमा हामी ल्होत्से पुग्यौ कथाले खोजेको र कथा संग मेल खाने खाल्को स्थान त्यही पायौं । करिव करिव ९५ प्रतिशत छायांकन ल्होत्से मै गर्ने छौ ।” उनले थपे `हाम्राे कथाले गाउले ठेट परिभेषलाई टपक्कै टिपेको छ । लागो समयको चलचित्र बनाउने इच्छा यसले साकार पार्ने छ भन्ने विश्वास लिएको छु । ´
करिव एक सातामा सुटिङ सक्ने तवरले अघि बढेको उनी बताउछन ।
हङकङ र सिङ्गापुरमा च्यारिटी सो का लागि त्यहाँका स्थानीय संघ संस्थासंग कुरा भैरहेको र उक्त च्यारिटीवाट उठेको १५% रकम ल्होत्सेका स्थानी वालवालीकाको शिक्षामा खर्च गरिने सिगुले बताए । जम्मा २८ जना कलाकारको प्रस्तुति रहने छ यस्मा चलचित्रको प्रमुख भुमिकामा हङकङमा बसोवास गर्दै आएका नवीन सुहाङ्ग रहने जनाइएको छ ।
