नेकपा एमालेका वरिष्ठ उपाध्यक्ष ईश्वर पोखरेलले स्थायी कमिटी सदस्य घनश्याम भुसालमाथि भएको कारबाही सिफारिसबारे पार्टी कमिटीमा छलफल गरिने बताएका छन् । मंगलबार संसद् भवनमा सञ्चारकर्मीहरूसँग कुरा गर्दै उनले उक्त विषय पार्टीको आन्तरिक एजेन्डा भएको बताए ।

“कुनै पनि चिज कमिटीमा छलफल हुन्छ । यदि, कुनै विषय हो भने कमिटीमा आउँछ, छलफल हुन्छ । कमिटीले निर्णय गर्छ । न्युजहरू हेर्छु, पढ्छु । मलाई नि अचम्म लाग्या छ । केही इस्यु कुनै व्यक्ति विशेषको, कुनै निर्णय विशेषको विषय छ भने कमिटीको आन्तरिक एजेन्डा हो यो ,” उनी भन्छन्,“ बाहिर पब्लिक कन्जम्सनको विषय होइन । त्यो विषयमा कमिटमा छलफल गरौँला नि हामी ।”

Advertisement

एमालेको केन्द्रीय अनुशासन आयोगले पार्टी अध्यक्ष केपी शर्मा ओलीको आलोचना गरेको भन्दै भुसाललाई कारबाहीको सिफारिस गरेको छ ।