२४ जेठ, बैगुनधुरा । झापाको गौरादह-९ मा रहेको बैगुनधुरा साना किसान कृषि सहकारी संस्थाले प्रति परिवार बढीमा १० किलो मल बेच्ने भएको छ । संस्थाका प्रबन्धक सोम प्रसाद अधिकारीले एक सुचना जारी गर्दै जेष्ठ २४ गते सोमबार १० किलो डिएपी किन्न नागरिकता लिएर आउन भनेका हुन् । हरेक बर्ष खेतीको समयमा मलको समस्या झेल्दै आएका बैगुनधुराबासीले छिमेकी भारतबाट गुणस्तरहिन मल ल्याई प्रयोग गर्न बाध्य छन्, त्यो पनि निकै कष्ट झेल्दै ।

यता साना किसानहरुको हित गर्न भन्दै संचालनमा रहेको साना किसान कृषि सहकारीले १० केजि मलका लागि सुचना जारी गरेपछि कृषकहरु निराश बनेका छन । अझ १० किलो मल किन्न ‘फोन गरेर मलाई मल राखिदिनु भन्न पाईने छैन ‘ भन्दै सुचना आएपछी सामाजिक संजालमा विरोध र ब्यंग्य गरिएको छ ।

Advertisement