बिर्तामोड २२ । कुनै दिवस होस् या कार्यक्रम सबैको ध्यान हुन्छ बजार ,चौक या त सार्वजनिक स्थल तर विश्व वातावरण दिवसको अवसरमा मनकामना माध्यमिक बिद्यालयले जनचेतनामूलक घरदैलो कार्यक्रम सम्पन्न गरेको छ ।
बिर्तामोड १ मा रहेको मनकामना बिद्यालय र बालक्लबको संयुक्त आयोजना रहेको कार्यक्रममा बालबालिकाले बिद्यालय परिसरमा रहेका स्थानीय तथा अभिभावकको घरदैलो गर्दै वातावरण सफा राख्न प्रकृतिमा रहेका जिवजनावर पशुपंक्षीको संरक्षण गर्न घरदैलोमै पुगेर पर्चा सामाग्री बितरण गर्दै वातावरण दिवस मनाएका हुन् ।
कक्षा ९ मा अध्ययनरत बालबालिका र बालक्लबको समुहले घर पसल वरपर सफा राख्न,भान्सा बाट निस्किएको फोहोर जथाभावी नफाल्न र घर वरपर रुख बिरुवा रोप्दै वातावरण मैत्री समाज निर्माण गर्न अनुरोध गरेका थिए।
चर्चाका लागि कार्यक्रम नभएर जनचेतनाका लागि कार्यक्रम गरिएको बताउदै बिद्यालयका प्रधानाध्यापक केशव ढुंगानाले बालबालिका लाई भूगोल र परिवेश संग परिचीत गराउन यस्तो कार्यक्रम गरिएको बताए ।
सोही अवसरमा बाल बगौचामा बृक्षारोपण समेत गरिएको शिक्षक लोकेन्द्र थपलियाले जानकारी दिए।
