२१ जेठ, मेचीनगर । मेची नगर नगरपालिका ४ बाट वडाध्यक्ष निर्वाचित भए पछि गुन्द्री मै बसेर वडा बासीको सेवा गर्ने उद्घोष गरेका वडाध्यक्ष अर्जुन कार्कीले परालको पिरामै बसेर पत्रकार सम्मेलन गरे ।
जेठ २२ गते आईतवार बाहुनडाँगीमा आयोजना हुने विश्व वातावरण दिवस कार्यक्रमका बारेमा जानकारी दिन उनले शुक्रबार मेचीको बगर क्षेत्रमै परालको पिरामा बसेर पत्रकार सम्मेलन गरे । आफ्नो अगाडी पत्रकार सम्मेलन लेखेको बोड लिएर कुनै धर्नामा बसेझै गरि भुइँमा आफ्ना अन्य ४ सदस्य लिएर गरिएको पत्रकार सम्मेलनमा मेची नगर ४ को बिकासका लागि पहिलो कार्यक्रम बारे उनले पत्रकार माझ आफ्ना कुरा सुनाए ।
कार्यक्रममा कोलकातास्थित नेपाली महावाणिज्य दूत ईश्वरीप्रसाद पौडेल प्रमुख अतिथि रहने र १५ सय फुलका बिरुवा रोप्दै कार्यक्रम उद्द्घाटन हुने जानकारी दिए। वातावरण र बन्यजन्तु विज्ञहरु लाई सो अवसरमा उपस्तिथ गराई छलफल सहित कार्ययोजना निर्माण गरिने जानकारी दिए। बाहुनडाँगीबासीलाई जंगली हात्तीबाट जोगाउने र दुर्लभ चराहरुको संरक्षण र मेची नदिबाट भइरहेको गिटि बालुवाको दोहन लाई नियन्त्रण गरि छाड्ने र समृद्ध मेची बनाउने जिम्मा आफ्नो भएको उनले बताएका थिए ।
