काठमाडौंबाट धनगढीका लागि उडेको श्री एयरलाइन्सको जहाजको एउटा इन्जिन फेल भएपछि आकस्मिक अवतरण गरिएको छ ।

बुधबार काठमाडौंबाट उडेको केही बेरमै बायाँ इन्जिनमा समस्या आएपछि ‘सर्ट डाउन’ गरेर आकस्मिक अवतरण गरिएको त्रिभुवन अन्तर्राष्ट्रिय विमानस्थल कार्यालयका प्रवक्ता टेकनाथ सिटौलाले जानकारी दिए ।

Advertisement

जहाजमा ‘फुल प्यासेन्स’ थिए । उक्त जहाज मध्याह्न १२ बजेर ८ मिनेटमा सकुशल अवतरण भएको सिटौलाले बताए ।