आफ्नो पार्टीका उम्मेदवारहरुलाई विजयी गराएमा गाउँपालिकाको समग्र विकासको जिम्मा एमालेले लिने नेकपा एमालेका अध्यक्ष केपी शर्मा ओलीले सुझाएका छन् ।

गृहजिल्ला झापाको गौरीगञ्जमा आयोजित चुनावी सभालाई अहिले सम्बोधन गर्दै अध्यक्ष ओलीले एमालेलाई जिताए समग्र विकासको जिम्मा पार्टीले लिने बताएका हुन् ।

Advertisement

अध्यक्ष ओलीले भने, ‘तपाईंको जिम्मा एमालेलाई विजयी बनाएर पठाउने हो, एमालेको जिम्मा विकास गरेर देखाउने हो ।’ आफूले जितेको ठाउँमा मात्र विकास नगरी समग्र देशको विकासमा एमाले चिन्तित भएको पनि पूर्वप्रधानमन्त्री ओलीले बताए । उनले गृहनगर दमकको उदाहरण दिँदै दमकमा एमालेको नेतृत्व भएका कारण दमकमा बढी विकास भएको सुनाए ।