उम्मेदवारले बैंकमार्फत खर्च गरेको वा नगरेको अनुगमन सुरू

स्थानीय तहको निर्वाचनमा उम्मेदवारले बैंकमार्फत खर्च गरेको वा नगरेको अनुगमन निर्वाचन आयोगले गर्न थालेको छ। आयोगले ७७ वटै जिल्लाका मुख्य निर्वाचन अधिकृतको कार्यालय, निर्वाचन अधिकृतको कार्यालय, प्रदेश निर्वाचन कार्यालय र जिल्ला निर्वाचन कार्यालयले अनुगमन थालेको आयोगका सहप्रवक्ता सूर्यप्रसाद अर्यालले बताए।

निर्वाचन आयोग ऐन, २०७३ ले निर्वाचन खर्चसम्बन्धी व्यवस्थामा उम्मेदवारले चुनावमा खर्च गर्न बैंक वा वित्तीय संस्थामा खाता खोल्नुपर्ने उल्लेख छ।