सरकारले धीरजप्रताप सिंहलाई नेपाल प्रहरीको प्रमुख आईजीपी बनाउने निर्णय गरेको छ। आइतबार बालुबाटारमा बसेको मन्त्रिपरिषद्को बैठकले एआईजी सिंहलाई आईजीपी बनाउने निर्णय गरेको हो।

हाल उनी केन्द्रीय अनुसन्धान ब्यूरो सीआईबी मा कार्यरत थिए। २०२४ मा कर्णाली प्रदेशको दैलेखमा जन्मिएका सिंह ११ चैत २०४९ मा प्रहरी निरीक्षकबाट सेवा सुरु गरेका थिए।

Advertisement

हालका आईजीपी शैलेश थापा क्षेत्रीले प्रहरीको ३० वर्षे सेवा अवधिका कारण १८ वैशाखमा अनिवार्य अवकाश पाउने भएपछि सरकारले सिंहलाई आईजीपीमा बढुवा गरेको हो। आइतबारबाटै सिंहले प्रहरीको नेतृत्व सम्हाल्ने बताइएको छ।