नारी दिवसमा बालक्लबको प्रभातफेरी

संवाददाता/ मङ्गलबार, फागुन २४, २०७८

बिर्तामोड २४ । ११२ औं अन्तरास्ट्रिय नारी दिवसको अवसर पारेर न्यूटन्स बालक्लबले प्रभातफेरी तथा कोण सभा सम्पन्न गरेको छ।
बिर्तामोड ५ मा रहेको न्यूटन्स एजुकेसन एकाडेमीमा रहेको क्लबले बिर्तामोडको मुक्तिचौक परिसरमा क्लबले प्लेकार्ड ,ब्यानर सहित विभिन्न नारा प्रस्तुत गरेका थिए ।

बालबालिकाले पनि राष्ट्रीय ,अन्तराष्ट्रिय स्तरमा मनाइने दिवसका बारेमा जानकारी दिन कार्यक्रमको आयोजना गरिएको फोकल पर्सन मिनु शिवाकोटीले बताइन् ।

किताबी ज्ञान संगै ब्यबहारिक गतिविधिमा बालबालिकाको सहभागिता भएमा मात्र यस्ता दिवसको महत्त्व हुने भएकालेे उनिहरुलाई समाज संग जोड्न कार्यक्रमले महत्त्वपूर्ण भुमिका खेल्ने बिद्यालयका प्रधानाध्यापक देबेन्द्र हुमागाईले बताए ।
बालक्लब अध्यक्ष साबित्रा न्यौपानेको नेतृत्वमा र्याली सहित कोणसभा गरिएको हो ।