२८ माघ, झापा । गरिब परिवार पहिचान तथा परिचय पत्र वितरण कार्यक्रम संचालनका लागि बुद्धशान्ति गाउँपालिकाभित्र रहेका व्यक्तिहरुको लगत संकलन कार्यक्रम शुरु गरिएको छ ।
नेपाल सरकार भूमि व्यवस्था ,सहकारी तथा गरिबी निवारण मन्त्रालयले तयार गरेको एप्लिकेसनमा डाटा प्राविष्ट गर्ने कार्यका लागि गरिब परिवार पहिचान तथा परिचय पत्र वितरण निर्देशिका २०७५ बमोजिम बुद्धशान्ति गाउँपालिकामा १ जना सुपरिबेक्षक र ८ जना गणकहरु छनौट गरिएको हो।माघ ९ देखि १३ गते सम्म बुद्धशान्ति गाउँपालिकाका सूचना प्रबिधि अधिकृत(कार्यक्रमका फोकल पर्सन) तोषराज ठाकुर तथा कम्प्युटर अपरेटर भिष्म सिटौलाले छनौट भएका सुपरिबेक्षक तथा गणकहरुलाई प्रश्नावली भर्ने तालिम दिईसकिएको र घर घरमा गणक पुग्ने छन् ।
१४ गते देखि गरिब परिवार पहिचान तथा परिचयपत्र वितरण कार्यक्रमका लागि गाउँपालिकामा बसोवास गर्ने सम्पुर्ण व्यक्तिहरुको घरमा तथ्यांक संकलन गर्न तालिम प्राप्त गणकहरु पठाईएकोले सत्य तथ्य विवरण उपलब्ध गराई सहयोग गरिदिन गाउँपालिकाले अनुरोध गरेको छ। । तथ्यांक संकलन असर मसान्त सम्म रहने बताइएको छ।
