२७ पुस, बिर्तामोड । बिर्तामोड नगरपालिकाले प्रमुख प्रशासकीय अधिकृत गणेश प्रसाद दाहाल सहित ३ जना कर्मचारीको विदाई गरेको छ ।
नगरपालिकाको कार्यालयमा सोमबार आयोजित एक कार्यक्रमकावीच बिर्तामोडबाट पाँचथरको फिदिम नगरपालिका सरुवा भएका प्रमुख प्रशासकीय अधिकृत गणेशप्रसाद दाहाल,सेवा निवृत्त भएका शाखा अधिकृत देवराज कार्की र स्वास्थ्य सेवाबाट निवृत सिनियर अनमि रितादेवी दाहाललाई सम्मान सहित विदाइ गरिएको हो ।
विदाइ हुने कर्मचारीहरुलाई नगरप्रमुख धु्रवकुमार शिवाकोटी र उपप्रमुख पवित्रादेवी महातारा प्रसाईले दोसल्लाह ओढाएर सम्मान पत्र तथा मायाको चिनो प्रदान गरेका थिए ।
यस्तै विभिन्न वडाका वडाध्यक्ष,वडासदस्य तथा कर्मचारीहरुले खादा तथा माला र अविर लगाएर विदाई गरेका थिए ।
कार्यक्रममा नगरप्रमुख शिवाकोटीले विदाई भएर जानेहरुलाई आगामी दिनका लागि शुभकामना दिंदै प्रमुख प्रशासकीय अधिकृत दाहाल विधि र पद्वतिको ख्याल गर्ने कुशल नेतृत्वका धनि रहेको भन्दै उच्च प्रसंशा गरे ।
उपप्रमुख महतारा प्रसाईँले प्रमुख प्रशासकीय अधिकृत दाहाल नीतिगत र सुशासनको पक्षमा अव्वल रहेको बताएकी थिइन् ।
कार्यक्रममा प्रमुख प्रशासकीय अधिकृत दाहालले बिर्तामोडमा जनप्रतिनिधि र कर्मचारीीचको सन्तुलन राम्रो रहेको उल्लेख गर्दै आफूले २०६१ सादेखि स्थानीय तहमा काम गर्दै आएको भएपनि अन्य पालिका भन्दा बिर्तामोड पृथक धारण राखे ।
जनप्रशासन र विकास प्रशासनमा आवद्व रहेका २ वटा पाटाहरु पुग्ने एउटै गन्तव्य जनतालाई सेवा सुविधा प्रदान गर्नु नै रहेको उनको भनाइ थियो ।
यस्तै सेवा निवृत भएका शाखा अधिकृत कार्कीले आफू कार्यरत रहँदा सबै क्षेत्रबाट सकरात्मक सहयोग मिलेको बताउँदै देशमा राजनीतिक परिवर्तनका लागि राष्ट्र सेवकहरुको पनि महत्वपूर्ण योगदान रहेको उल्लेख गरे ।
कार्यक्रममा वडानम्बर ६का वडाध्यक्ष सुर्यप्रसाद कन्दङ्गवा र वडा नम्बर १० कि वडाध्यक्ष पवित्रा पाठकले शुभकामना मन्तव्य राखेका थिए । नगरप्रुमख शिवाकोटीको अध्यक्षतामा भएको कार्यक्रममा शिक्षा शाखा प्रमुख तिलचन भण्डारीले स्वागत तथा वरिष्ठ योजना अधिकृत जय तिम्सिनाले सञ्चालन गरेका थिए ।
