२५ असोज, बिर्तामोड । झापाको बिर्तामोडमा सम्पन्न वडा स्तरीय फुटबल प्रतियोगिताको उपाधी वडा नम्बर ४ ले जितेको छ ।
सोमबार सम्पन्न फाइनलमा वडा नम्बर ६ लाई १ /३ गोल अन्तरले हराउँदै वडा नम्बर ४ ले उपाधी उचालेको हो । बिर्तामोड खेलकुद बिकास समितीको आयोजनामा भएको तेस्रो वार्ड स्तरिय फुटबल प्रतियोगिताको उपाधी संगै बिजेता टिमले नगद ७५ हजार सहित ट्रफी हात पारेको छ । उपविजेता बनेको वडा नम्बर ६ ले ५० हजार प्राप्त गरेको आयोजक समितका अध्यक्ष टीका संग्रौलाले जानकारी दिए । फाईनल खेलको म्यान अफ द म्याच नरेन्द्र मणि लिम्बू बने ।
त्यस्तै प्रतियोगिताको उत्कृष्ट गोल रक्षक अभिषेक चौधरी, सर्वाधिक गोल कर्ता योगेश गुरुङ, उत्कृष्ट डिफेन्डर रोशन गुरुङ, उत्कृष्ट मिड फिल्डर रोमन भुजेल घोषित भए । प्रतियोगिता भर उत्कृष्ट प्रदर्शन गर्ने वडा नम्बर ४ का योगेश गुरुङ म्यान अफ द टुर्नामेन्ट बने । यस्तै उत्कृष्ट प्रशिक्षक वडा न ४ गोपाल राई घोषित भएको उपाध्यक्ष केशव भण्डारीले जानकारी दिए । गत असोज १८ बाट शुरु भएको खेलमा १० वटा टिमले सहभागीता जनाएका थिए ।
