मेचीनगर । मेचीनगर नगरपालिकाभित्र बसोबास गरी खेलकुदको माध्यमबाट राष्ट्रिय तथा अन्तर्राष्ट्रिय स्तरमा नेपाल तथा मेचीनगरलाई चिनाउन सफल र राष्ट्रिय खेलाडीका रुपमा प्रतिनिधित्व गर्ने खेलाडीलाई मेचीनगर नगरपालिकाले नगर गौरवका खेलाडी घोषणा गर्ने भएको छ ।
आगामी आर्थिक वर्ष ०७८÷०७९ को नीति तथा कार्यक्रमको सामाजिक विकास सम्बन्धि नीतिमा यसलाई प्राथमिकतामा राख्दैं सम्मान तथा प्रोत्साहनको व्यवस्था गरिएको छ । मेचीनगरले फूटबल, भलिबल, क्रिकेट, बुद्घिचाल व्याडमिन्टन, मार्शल आर्टलगायतका थुप्रै राष्ट्रिय खेलाडीका रुपमा प्रतिनिधित्व गर्ने व्यक्तिलाई जन्माएको छ ।
नगरपालिका प्रमुख विमल आचार्यले प्रस्तुत गर्नुभएको आगामी आर्थिक वर्ष ०७८÷०७९ को नीति तथा कार्यक्रममा खेलकुदको क्षेत्रलाई निक्कै प्राथमिकतामा राखिएका कारण यो नीति लिईएको हो ।
फूटबल, भलिबल, क्रिकेट, बुद्घिचाल, व्याडमिन्टन, मार्शल आर्ट जस्ता खेलको विकास र प्रवद्र्घनका लागि मेचीनगर स्तरीय टिम निर्माणका लागि विभिन्न समयमा प्रतियोगिता सञ्चालन गर्ने नीति समेत नगरपालिकाले लिएको छ । यसका लागि नगरक्षेत्रभित्र रहेका नदी उकास तथा सार्वजनिक जग्गाहरु मध्ये उपयुक्त जग्गामा नगरस्तरीय खेल मैदान, पार्क, खुलाक्षेत्रको विकास गर्ने समेत नीति लिईएको छ ।
साथै मेचीनगर गोल्डकप र मेचीनगर रोलिङ्ग क्लब ए डिभिजन प्रतियोगिता सञ्चालनका लागि अवश्यक बजेट व्यवस्थापन गर्ने समेत नीति नगरपालिकाले लिईएको छ ।
युवाहरुलाई विदेश पलायन हुनबाट रोक्न उनीहरुलाई स्वरोजगार बनाउनका लागि समेत आगामी आर्थिक वर्ष ०७८÷०७९ को नीति तथा कार्यक्रममा सम्बोधन गरेको छ । नीति तथा कार्यक्रममा युवा लक्षित स्वरोजगार कार्यक्रम सञ्चालन गर्ने प्रस्तुत नीति तथा कार्यक्रममा उल्लेख छ ।
स्वकिृत मापदण्ड अनुसार नगरभित्र बसोवास गर्ने गरीवहरुको पहिचान गरी विपन्न परिचय पत्र वितरण गर्ने, बालमैत्री नगर घोषणाका लागि आवश्यक कार्य पुरा गरेर बालमैत्र िमेचीनगर घोषणा गर्ने, बालबालिकाको शारिरकि र मानसिक विकास तथा सहभागितामा बृद्घि गर्न नगरस्तरीय वाल सञ्जाल, स्काउट र रेडक्रस गठन गरी सञ्चालन गर्ने समेत सामाजिक विकास सम्बन्धि नीतिमा उल्लेख गरिएको छ ।
नेपालको संविधानले उल्लेख गरेको हरेक नागरिकलाई सफा स्वच्छ र शुद्घ पानी पिउन पाउने नैसर्गिक अधिकारलाई पुरा गर्न नगरपालिकाले आगामी आर्थिक वर्ष ०७८÷०७९ मा मेचीनगर नगरपालिकाले नगरभित्रका सवै घरधुरीमा खानेपानी पुर्याउन सहलगानीमा खानेपानी आयोजना सञ्चालन गर्ने नीति लिईएको छ ।
यसका साथै सामूदयिक विद्यालय र क्याम्पसहरुमा शुद्घ खानेपानीको व्यवस्था गर्ने, ग्रामीण खानेपानीको आयोजनाको खानेपानी वितरण प्रणालीलाई व्यवस्थित बनाईने नीति अघि सारेको छ ।
